Urabayen, Felix
Felix Urabayen Guindo
(Ultzurrun-Ollaran, 1883 - Madril, 1943)
Institutuko literatur katedraduna eta idazlea. Iruñean bizi ondoren, Toledon kokatua eta bertan Maria Mercedes de Priederekin ezkondua. Pentsamoldez aurrerakoia.
Gizon oso jantzia. Greziako historian eta mitologian aditua, pentsalari klasikoak gogoko zituen, bai eta bere garaiko idazleak ere. 1920tik 1936ra, hamabost bat liburu argitaratu zituen, bai kazetaritzako artikulu-bildumak, bai eleberriak.
Ezkertiar kritiko, zorrotz eta ironikoa, Azañak sortutako Kultura Kontseilu Nazionaleko kidea. 1936an, Toledoko Izquierda Republicanako hautagai aurkeztua. Gerra amaieran, osasunez makal, Madrilen espetxeratu zuten. Kartzelatik atera eta 1943an zendu zen, 60 urte bete gabe.
