Serrano Izko, Bixente
Bixente Serrano Izko
1948an jaioa, Iruñerriko herri txiki batean, Saratsan. Egun, historiazko irakasle, Iturramako Institutuan.
Saiakeran, Navarra-Euskadi, un debate popular que urge (Hordago, 1981), Beldurra bera zaldi. Uhalik gabeko askatasuna (Pamiela, 2002) haren gaztelaniazko bertsioa A lomos del miedo. Libertad sin épica (Pamiela 2011), Bakezale gerlari horiek (Pamiela, 2004), Jauzika (Pamiela, 2010).
Ipuingintzan, Onkoteak (Pamiela, 1987).
Historia arloan: Nafarroa. Historiaren hariak (Euskal Kultur Elkargoa, 2005); haren gaztelaniazko bertsioa, Navarra. Las tramas de la historia (Euskal Kultur Elkargoa, 2006); bidean dago haren frantsesezko bertsioa.
Artikulugintzan: zutabegile gisa Egunkarian (2002-2003) eta, gaur egun, Berrian, hau hasi zenetik 2006.eko maiatza arte; horrez gero, Berrian ere, hilabetero iritzi egile gisa dihardu, kritika literarioan ere bai 2007.eko irailetik hona, eta Nafar periferiatik izeneko bloga darama, egunero elikatzen, (www.berria.info/blogak/bixente/) egunkari beraren edizio digitalean. Kolaboratzaile gisa Iruñeko Euskal Herria irratian ibili da. Bertzalde, 1980. hamarkadako Korrok aldizkari literarioan batetik, eta gaurko Argia aldizkarian eta Gasteizko Hala Bedi irratian bertzetik.
