McKee, David

David McKee (Erresuma Batua, 1935)

Plymoutheko Arte eta Diseinu Eskolan ikasten ari zen bitartean zenbait egunkarientzat lanean hasi zen karikaturagile gisa, The Times egunkari ospetsuan esaterako.

1964tik aurrera, egile bezala, haur liburu aunitz argitaratu du, horietako asko nazioarteko arrakasta lortu eta beste hizkuntzetara itzuliak ere izan direlarik. Zinemagintzarako eta animaziozko telesailetarako ere erabili izan dira.

Jaso dituen sarien artean: 1987an Deutcher Jugendliteraturpreis izenekoa, 1997an Children’s Choice Selections, 1997 eta 1999an International Reading Association eta 2006an Hans Christian Andersen sarirako izendatua izan zen.

“Ipuinetan pentsatzen dudanean, ikusten dut ez dela haurrentzat bakarrik idatzitako liburu mota bat; helduentzat idatziak ere badirela modu berezi batean. Gustatzen zait pentsatzea haur hori bilakatuko den helduarentzat idazten dudala, eta aldi berean, heldu baten barnean dagoen haurrarentzat”, baieztatu du.