Valdivia, Paloma

Paloma Valdivia (Txile, 1978)

Diseinua ikasi zuen Txileko Unibertsitate Pontifizioan eta gero Ilustrazioko graduondo ikastaro bat egin zuen Bartzelonako EINA Eskolan. Ilustratzaile gisa lan egiten du zenbait argitaletxe, museo eta hedabide grafikorentzat, hala Txilen, nola Txinan eta Espainian.
Miguel Gallardo artistaren ilustrazio-laguntzailea ere bada. Haurrentzako 15 bat album argitaratu ditu.
Beste lan-ildo batean, haurrentzako telesaioetarako gidoigile eta ilustratzailea da. Jaso dituen sarien artean Eslovakiako Ilustrazio Bienaleko BIB PLAQUE Nazioarteko Saria aipatu behar da. Bere jaioterriko bi unibertsitatetan irakasten du ilustraziogintza. Gaur egun Bartzelonan bizi da.