Dolosor, Franck
Franck Dolosor Haltza (1977)
Kazetaria da 1996az geroz. Mende laurden batez, senpertarrak lan egin izan du euskaraz, espainolez eta frantsesez Gure Irratia, Radio Euskadi, Euskal Telebista, Deia egunkaria eta Urdin Euskal Herria-Radio France Bleu Pays Basque irratian.
Hiru hizkuntza horiez gain, ingelesez moldatzen da, eta katalana eta gaskoiera ongi ezagutzen ditu ere. 2017an Baiona eta Aturri aldeko Gaskoi Akademiako kide izendatu zuten. Bere inguruan gertatzen dena ulertzea eta azaltzea gustatzen zaio, baina oroz gainetik, jendeek berek zer sentitzen duten erakutsi nahi du, bere ustez, ez baita jendeekin mintzatzea bezalakorik.
2009an, Senperetik Senpererat, begirada bat hogoigarren mendeari lehen liburua plazaratu zuen, bere herriko bederatzi emazte eta bertze hainbertze gizoni hitza emanez. Ondoko urteetan, Matxin Irabola Senpereko bertsularia biografia argitaratu zuen.
Baionaldeko gaskoiei buruzko erreportai luzea egin du ETBn. Estibaliz Robles Arangiz Estitxu kantariari buruzko film dokumentala aurkeztu zuen 2017an Baleuko ekoiztetxearen laguntzarekin. Bi urte lehenago, Iban Gonzalez errealizatzaileak zuzendutako Gernika Batailoiari buruzko dokumentalaren gidoilaria izan zen. Film horretako mami nagusia, eta bertan azaldu ez ziren zenbait lekukotasun, xehetasun eta argazki bildu ditu eskuetan duzun liburu honetan.
franckdolosor.com
@FranckDolosor
@franck_dolosor
