Gose biziko beldarra

Testua eta irudiak: Eric Carle

Itzulpena: Manu López Gaseni

Eric Carleren obrarik ospetsuena bueltatu da Kalandrakako katalogora. Hirurogei bat hizkuntzatara itzuli den eta berrogeita hamar milioitik gora ale saldu dituen nazioarteko klasikotzat jotako obra ezinbestekoa.

Igande eguzkitsu batean, beldar bat jaio da arrautze batetik. Txikia da, baina gose handia du. Hori dela eta, egunez egun ibiliko ditu liburu honetako orrialdeak, eta haiek zulatuko, bidean aurkitzen duen guztia janez: frutak, barazkiak eta goxokiren bat edo beste. Halaxe, tximeleta ederra bihurtu arte.

Eguna eta gaua, handia eta txikia, asteko egunak, zenbakiak, elikagaien izenak edo metamorfosiaren prozesu naturala agertzen dira maisutasunez sortutako eta collage teknikaz ilustratutako album honetan, mundu osoko haur irakurle txikienak bidelagun hartuta.