Ares

Ares (Habana, 1963)

Arístides Esteban Hernández, mediku psikiatra ikasketaz, eta marrazkilari autodidakta ogibidez.

1984an bere lehenengo karikatura argiratu zuenetik, marrazki eta pintura lan asko egin ditu. 1994an, Witty World aldizkariak munduko umorista grafiko hoberenen sailerako aukeratu zuen.

Jaioterrian bezala, Brasilen, Italian, Iranen eta bost kontinenteetan egin ditu kartel edo koadro erakusketak. Ehunen bat liburu ilustratu ditu, eta hogeiren bat berak idatzi. Marrazki bizidunak ere egin ditu, «filminutuak», Kuban deitzen direnez.

Ehunetik gora sari jaso ditu, hala nola itzal handiko World Press Cartoon saria 2012an eta Nazio Batuek ematen duten Ranan Lurie saria 2016an.