Jimenez Maia, Josu
Josu Jimenez Maia (Iruñea, 1967)
Berriozarren bizi da. Ingeles irakaslea ofizioz eta idazlea afizioz.
Narratiban, hainbat ipuin ditu sarituak eta argitaratuak, bertzeak bertze, Tene Mujika lehiaketa, Orixe saria, Iparragirre saria eta Atarrabiako Petri saria.
Haur eta Gazte literaturan, Johanes, Bargotako Aztia liburua, (Txalaparta) eta Hiru Miru album ilustratua (Denonartean).
Olerkigintzan, bi haiku-bilduma, Gerezi garaiko haikuak liburua (Maiatz) eta Orbel Azpiko Haikuak (Denonartean).
Ohiko kolaboratzailea Nafar Ateneoaren Constantes Vitales aldizkarian, Maiatz aldizkarian eta baita Hatsa olerki bilduman ere.
Artikuluak ere, berrehun inguru ditu argitaratuak han-hemenka. Noriko Matsuiren How to perform kamishibai eta Ryookanen 101 haikuak liburuen itzultzailea da, eta, orobat, euskarara ekarri ditu Idea Vilariño uruguaiarraren poemak.
Euskal Idazleen Elkarteko idazkaria izan zen (2010-2014). Egun, Nafar Ateneoaren Euskara eleduna da.
