Epaltza, Aingeru
Aingeru Epaltza (Iruñea, 1960)
1960ko otsailaren 8an sortu zen Iruñean. Informazio Zientzietako lizentziatua da.
Hainbat urtez, kazetari lanetan ari izan da, bertzeak bertze, Deia egunkarian, Euskal Telebistan eta Navarra Hoy egunkarian. Egun, euskarazko itzultzailea da Nafarroako Gobernuan, ohiko iritzi emailea izateaz gain Argia aldizkarian eta Diario de Noticias egunkarian. 1990an "Ricardo Arregi" saria irabazi zuen baloraziozko kazetaritzaren sailean.
Literaturan, hainbat genero landu ditu, nobela batez ere. Alor honetakoak dira:
- Sasiak ere begiak baditik (1986), Iruñeko Udalaren Egile Berrientzako Literatur Saria 1985ean.
- Ur uherrak (Pamiela, 1993), 1991ko Xalbador saria eta gaztelaniara itzulia.
- Tigre ehizan (1996), 1997ko Euskadi saria, eta katalanera, frantsesera eta gaztelaniara itzulia.
- Rock’n’roll (2000), gaztelaniara, alemanera eta finlandierara itzulia.
- Mailuaren odola (2007), gaztelaniara itzulia.
- 39 idazle nafar (Pamiela, 2017) libururen partaide bat da.
Ipuin arloan honako liburuak ditu:
- Garretatik erauzitakoak (1989).
- Lasto sua (2006), gaztelaniara itzulia.
Kontagintzatik kanpora, lan hauek ditu idatziak:
- Mugetan irri (1984), antzerki lana.
- Kaikugileak (1987), erreportaje etnografikoa, Xabi Otero argazkilariarekin batean.
- Bezperaren bezpera (Pamiela, 2007), saiakera.
Haur eta gazte literaturan, lau nobela labur argitaratu ditu:
- Lur zabaletan (Pamiela, 1994).
- Sorginkerien liburua edo Katalin Kattalin-Xorgin bilakatu zenekoa (Pamiela, 1998).
- Baloika (Pamiela, 2000).
- Urtegijauna (Pamiela, 2002).
Posta elektronikoa: aepaltza@euskalnet.net
