Prévert, Jacques
Jacques Prévert (Neuilly-sur-Seine, 1900 - Paris, 1977)
Poeta, antzerkigile eta zinema-gidoilari. 1920ko hamarkadaz geroztik surrealismoko partaide izan zen Parisen, Raymond Queneau eta Marcel Duhamelekin batera. 'Hilotz fina' bezalako ariketa artistikoak ondu izana egozten zaio.
Ondoko urteetan "Octobre" antzerki taldean jardun zuen. Zenbait gidoi idatzi zituen Marcel Carné zinemagilearentzat, hala- nola “Les enfants du paradis” (1945).
Liburuen artean nabarmentzeko modukoa da “Paroles” (1946); bertako zenbait poema musikatu eta kantatuak izan dira, interpreteen artean Joan Baez bat.
Poemetan 2. mundu-gerla ondoko Pariseko bizitzaz dihardu. Hitzekin eta lengoaiarekin jolasten du, neologismoak darabiltza, esanahi bikoitzak eta ustekabeko metaforak; denetan, umore-zentzu berezia.
