Text Size

Carro compra

 x 

Carro vacío
  • Kornelio
  • Bat bi hiru banpiro
  • La energía del aire
  • Gurea dena: Komuna
  • Diablada
  • 22 de septiembre, San Fermín
  • Arraroa
  • Euskararen genesiaz
  • Txori baten portreta egiteko
  • Quousque tandem...!
  • Aldi baterako
  • Batzuen ametsak bertzeen zelai zulatuak dira
  • El viaje de las palabras
  • Mentalidad vasca
  • Itziar elegía y otros poemas
  • Atzerrian
  • Toponimia navarra. X Artajona. Toponimia vasca - Artaxoa. Euskal toponimia
  • Biba Mina!

Izquierdo, Fertxu

izquierdo_fertxu

Fertxu Izquierdo (Iruñea, 1975)

Iruñean sortu nintzenetik Txantrea auzoan bizi naiz. Uste dut nire literaturzaletasunaren erruduna nire arreba bat izan zela. Eta amatxo, jakin gabe, bere konplizea izan zen. Arrebak mota guztietako komikiak irakurtzen zituen eta bere eskuetatik pasa ondoren nire eskuetara iristen ziren komiki haiek guztiak. Eta komikiak gustukoak nituela ohartuta ama erosten hasi zen: Asterix eta Obelix , Superlopez… Eta badakizue, droga bigunetatik droga gogorretara pasatzen dela. Komikiekin nahikoa ez nuenez hasi zidaten liburuak oparitzen: El corsario negro, Un agujero en la alambrada, Momo, La historia interminable, Moby Dick,  Los libros de Terramar…

Liluraturik nengoen liburuen orrialdeetan topatzen nuen abentura hauekin guztiekin eta nire abentura propioak sortzen hasi nintzen. Oraindik eskolan nengoela nire ipuin propioak idazten hasi nintzen baita “argitaratzen” ere. Bai, nire lehendabiziko istorio haiek, folioetan idazten nituen eta liburu itxura ematen nien. Azala eta guzti jartzen nien. Baita barneko marrazkiak ere. Horrela sortu nuen, esaterako, Despiste detektibea.

Hori bai, argitalpen horien guztien aurkezpen bakarrak nire etxean egiten nituenak ziren eta erosle bakarra nire karpeta…
Institutu garaietan rock and rolla iritsi eta liburuen literatura alboratu nuen. Euskal rock taldeen letrak garrantzitsuago bihurtu ziren.
Hamabost urte nituela hasi nintzen euskara ikasten eta nire euskalduntze prozesuarekin batera itzuli zen nire literaturzaletasuna. Orduan poesia irakurtzen nuen, batez ere. Eta euskara ikasten ari nintzen heinean euskal poesia irakurtzeko ahaleginak egiten nituen. Gari Berasaluzeren edota Joseba Sarrionandiaren lanak hiztegian eskuan nuela irakurri nituen. Eta euskarak mundu berri bat ireki zidan. Horrela hasi nintzen nire lehendabiziko poemak idazten.

2000. urtean, auzoan Mao Tse Punk fanzina argitaratzen hasi ginen, baita zenbait ekimen antolatzen ere. Eta literaturaz gain politikaz eta musikaz idazten genuen. Mao Tse Punkan argitaratu nituen nire lehendabiziko olerkiak, Fer Gebara goitizenez. Eta Mao Tse Punk ekoizpenen eskutik argitaratu nuen nire lehendabiziko “liburua”: anpuluen bilduma. Kakoren marrazkiez apaindutako liburuxka autoekoiztua.

Liburuxka hartako olerkiekin irabazi nuen, 2002.urtean, Uitziko udalak antolatutako I. Orixe saria. Eta jakina, horrek idaztera eta sarietara aurkeztera bultzatu ninduen. Ordudanik zenbait sari literario irabazi dut: Iruñeko egile berrientzakoa (2002, 2003 eta 2004), Lasarteko udalarena (2002), Gaztezulo aldizkariarena (2004)…

Garabiak egiten zituen fabrika zikin batean aritzen nintzen lanean eta egunen batean fabrika uztea erabaki eta ikasteari ekin nion. Nire erabakiaz ez naiz inoiz damu eta ordudanik Txantrean Auzolan, Aldapa eta Nabarra aldizkarietan egin dut lan, irakasle gisa AEKn, garbitzaile gisa… A!, Banda Batxoki taldean gitarra jotzeaz gain, jakina.

2006. urtean Gerratearen aztarnak poesia liburuaren edizioa prestatzen ari ginela nire lehendabiziko sari narratiboa eskuratu nuen, Atarrabiako Pedro saria, hain zuzen ere.

2007an Gerratearen aztarnak argitaratu zuen Pamielak. Eta liburua aurkezteko asmoz eta errezitaldi batzuk egiteko asmoz Saudade Armada osatu genuen Gari Berasaluzek, Arantxa Santestebanek eta hirurok. Arantxa kartzelaratu eta Saudade desegina geratu zitzaigun.

Urte emankorra izan zen 2007a, zeren eta Gasteizen Euskal Filologia ikasten saiatzeaz gain (ez nuen lortu) Joseba Sarrionandia pantailaren aurrean lana argitaratu zidaten Egan aldizkarian eta eleberri bat idazteko Iruñea Hiria beka eskuratu nuen. Beka horri esker sortu zen nire lehendabiziko eleberria: Mendeko borroka (assalto a Roma), 2008.urtean Pamielak argitaratua.

Eta 2008.urtean ere Blas de Otero Bilbo Hiria nazioarteko poesia lehiaketa eskuratu nuen Telebista-antenetan atsedena hartzen dute txoriek izeneko lanarekin.

Beraz, horrela gabiltza literaturaren errepublika gorri honetan. Gustura.

Bloga: http://fergrado.blogspot.com/
E-maila: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Kritikak:

-    Gerratearen aztarnak liburuari eginiko kritikak (Literaturaren zubitegian): http://zubitegia.armiarma.com/egileak/00762.htm

Liburuen aipamenak prentsan:

-    Gerratearen aztarnak Garan: http://www.gara.net/paperezkoa/20070217/3692/eu/Fertxu/Izquierdok/kaleko/poesia/egin/du/Gerratearen/aztarnaken?Hizk=en

Poemak basquepoetryn:

-    http://www.basquepoetry.net/poemak/1214.htm

Nabarra aldizkarian argitaratutako artikulua:

-    http://www.nabarra.com/articulo.php?IdArticulo=565

Escritores

Compra

 x 

Carro vacío

Acceso

El sitio empleará cookies para recordar su idioma y opciones de navegación, si usted está de acuerdo:
Más información De acuerdo Rechazar