Solé Vendrell, Carme

Carme Solé Vendrell

Bartzelonako ilustratzailea eta marrazkilaria da; Masana Eskolan ikasi zuen eta 700 izenburutik gora eman ditu argitara hainbat herrialdetan.

Haur aldizkarietan kolaboratzen du eta eszenografia, dramaturgia, antzerki-zuzendaritza, kartelgintza eta animazio lanak egiten ditu. Ilustrazio ikastaroak eman ditu eta baita hitzaldiak ere Europan, Amerikan, eta Asian.

Jasotako sarien artean, hauek dira nabarmentzekoak: Janusz Korczak, Catalònia, Critici in Erba, Octogone la Fonte, Creu de Sant Jordi, Kultura/ Komiki Sari Nazionala eta Ilustrazio Sari Nazionala 1979 eta 2013 urteetan (bere obra guztiagatik).

Bere erakusketen artean Taiwanen (1997) eta Bartzelonan (2001) egindako antologikoak nabarmendu behar dira. Haurren eskubideen gaineko “Why”? kanpaina sustatu zuen 2014 urtean.