Cabassa, Mariona
Mariona Cabassa (Barcelona, 1977)
Bartzelonako Massana Eskolan ikasi zuen eta Frantzian osatu zuen bere prestakuntza akademikoa. Grabatu eta ilustrazioko talde-erakusketa batzuetan parte hartu zuen, eta arte eta diseinu ikastaroak ematen ditu. Kataluniako Ilustratzaileen Elkarte Profesionalaren Saria jaso zuen 2003 eta 2009an. Gainera, 2005ean Boloniako Haur eta Gazte Liburuaren Nazioarteko Azokan parte hartzeko aukeratua izan zen eta haurrentzako zenbait albumen egilea da. Album Ilustratuen Nazioarteko III. Compostela Saria irabazi zuen Z familia liburuarekin.
