Ahlberg, Allan
Idazle bihurtu aurretik Lehen Hezkuntzako maisu aritu zen. Umeentzako 100dik gora liburu argitaratu ditu, haietarik asko bere emazte Janet-ekin batera. Biek jaso zituzten, besteak beste, Kate Greenaway domina edo British Book Award delako saria. Haien testuak, gatzez gainezka, gai dira ohiko egoerak ohiz kanpoko bihurtzeko. Haiek sortutako lanik ezagunenetako batzuk «The Jolly Postman» edo «Eskeleto barregarriak» dira, bigarrena lehendik euskaraz argitaratua.
