Carro compra

 x 

Carro vacío
  • Euskararen genesiaz
  • Atzerrian
  • Xavier Mina
  • A cierta edad
  • Eltxo batek ziztatzen badizu
  • La soledad de la higuera
  • Bizitzea ez al da oso arriskutsua?
  • Extraños en el paraíso
  • Odola oroi
  • Zer behar da?
  • Etxera bidean
  • Con el palio hemos topado
  • Indiar Txikia
  • Mayo del 68 vasco
  • Ortzadar Arraina
  • Juan Mari Lekuona - Bertsoak
  • Krokodilo txikia maitemindu da
  • Lagun berriak

Gorila bat. Zenbatzeko liburua

Desde 3 años

/ Tamaina Handia
/ Euskera
/ año 2012
/ Libro en cartoné
/ 32 páginas en color

15,00 €
Descripción

 

pamiela_kalandraka

Testua eta Marrazkiak: Antonhy Browne
Itzulpena: Manu López Gaseni

HAUR ETA GAZTE LITERATURA. IRAKUR GIDA 2012an, 2 urtetik aurrera: OSO GOMENDAGARRIA

Gorila bat, bi orangutan, hiru txinpantze… eta zu.
Ospatu primate ederren mundua album bikain
honetan zenbatzen dituzun bitartean.

Batetik hamarrera zenbatuz, aurre-irakurle eta lehen irakurleentzako album hau zenbakietara eta primate animalietara hurbiltzeko oso baliabide egokia da. Anthony Browne-k zenbaki bakoitzari dagozkion beste animalia irudikatzen ditu. Marrazkiak errealistak dira eta xehetasun handiz burututa daude; nabarmentzekoak dira kolorearen erabilera eta tximinoen adierazkortasuna –adeitasuna, gozotasuna, bihurrikeria, herabetasuna…–. Haien aurpegietan, pertsonei dagozkien keinu eta jarrerak antzematen dira.

Hori  ela eta, liburuak bigarren irakurketa ere badauka: beste animalien antzera, primateek sentimenduak dituzte. Eta, eboluzioaren aldetik, gizakiengandik hurbilen dauden ahaideak izan arren, espezie batzuen biziraupena larriki mehatxatuta dago.

Egileak zuzenean konprometitzen da mezu horren zabalkundelanean: bere autoerretratuaren ondoren, mundu osoko arraza eta kulturen aniztasuna islatzen duen ‘argazki’ antropologikoa irudikatu du, edozein irakurlek bere burua identifikatu ahal izateko modukoa.

﹒﹒﹒

Tximinoak pertsonaia gisa aukeratzetik gehien gustatzen zaidana haien unibertsaltasuna da (…) Tximinoen unibertsaltasunak ume guztiak, edozein adin, garai edo arrazatakoak direla, haiekin identifikatu ahal izatea bermatzen du.

(Anthony Browne: “Jugar el juego de las formas”, FCE, 2011)

﹒﹒﹒

"Azpitituluak esaten duen bezala, liburu hau zenbatzen ikasteko ipuin bat da. Baina ez fidatu, liburu hau ez da horretarako bakarrik, haratago doa eta beste hainbat gauza ere erakutsiko dizkigu.

Batetik hamarrera kontatzen dugun heinean, primate desberdinak ezagutuko ditugu. Guztiak antzekoak baina denak ezberdinak, bakoitza bere ezaugarri eta berezitasunekin, baina guztiak talde berekoak, gure giza taldekoak hain zuzen ere.

Baina, gaia hau izanik ere, ilustrazioetan dago liburu honen benetako indarra. Tamaina handiko marrazki errealistek bizitza propioa daukate. Primateen ilustrazioetan gure gizaki aztarna nabaria da, gure ispilu bilakatzen dira eta beraien begietan geure burua ikusten dugu irudikatua. Nahiz eta askotan ahaztu, gu ere animaliak gara, eta hori da Brownek azpimarratu nahi duen ideia.

Egile honek askotan aukeratzen ditu primateak bere istorioak ilustratzeko. Giza jokabideak irudikatzeko ezin aproposagoak dira bere ustetan. Gizakiok galtzen ari garen ezaugarriak askoz hobeto adierazten dutela dio, naturaltasuna ez dute oraindik galdu eta.

Brownek dagoeneko mundu mailako haur literaturan merezi duen izena lortu du, eta bere lanak euskaraz irakurtzeko aukera beti da gozamenerako unea."

(HAUR ETA GAZTE LITERATURA. IRAKUR GIDA 2012, 18. orrialdea)

El sitio empleará cookies para recordar su idioma y opciones de navegación, si usted está de acuerdo: