Hiztunpolisa. Euskaltasunaren norabideaz apunteak

Sukaldeko hodiez eta espiral deskiribilez mintzo dira orri hauek. Euskararen norabideaz pentsatzeko angelu batzuk hartuta, zatika egindako begiratuak dira, adar anitzetan barreiatuak. Biderako apunteen forma dute gehienek, zer egin? dioen galderaren bueltan. Hiztun komunitatearen zuntzetan nahi dituzte testuok begiak jarri, bideak iradoki eta galderak pausatu.

Nola goaz? Ez dago oraintxe erraza galdera honi erantzuten. Diagnostiko agonikoak, balorazio positiboak, behialako uste handien erresakak, egindakoen legitimazioak, aurrerako pozak eta frustrazioen oldarrak nahasiegi datoz ur uharretan.

Nora goaz? Desioetatik erantzutea edo susmoetatik erantzutea, alde handiko ariketak dira. Norabide lausoak marraztera gonbidatzen du mendeak. Eta norabide lauso horietan amets zatiak doitzera, estrategia-kateak jostera.

«Amets lodiekin arazoak izan dituen belaunaldi batetik gatoz» Descargar PDF
Felix Ibargutxi. Diario Vasco (2013-10-25)

Txepetxen etorkizuna orainean ezarri du Sarasuak
Mikel Asurmendi. Argia (2014-01-19)

Txepetxen etorkizuna oraina da
Mikel Asurmendi. Berria (2014-01-19)

Galde ta galde
Alberto Barandiaran. Berria (2014-03-27)