Hartz Zaharraren sekretua

Testua: Pedro Mañas

Ilustrazioak: Zuzanna Celej

Itzulpena: Manu López Gaseni

Txinako tinta-orban bat kaier zuriaren gainean bezala.
Halaxe erori da Bele Andrearen itzala basoaren gainean.
Elurrezko izaraz estalita, basoa lo dago.
Bele Andreak karranka egin dio adar batetik.
–Bost minutu gehiago
–esan du haizeak aharrausika zuhaitzen artetik…

Basoan egiten dute topo Bele Andreak eta Hartz Zaharrak, ugaztuna neguko lozorrotik atera berri, sekretu bat non ezkutatu duen gogoratu ezinean dabilela. Ez dago ez adarren artean,
ez gordelekuan, ez aintziran ere… eta ziurtasunik ezak eta zalantzak ahul eta zaurgarri bihurtzen dute.

Misterioz inguraturik dago narrazio-lan eder hau, non natura pertonaia bat gehiago den. Pedro Mañas-en testuaren poetikak gizaki bihurtzen du natura, istorioaren tonu deskriptiboa nabarmentzen duten metaforak lagun. Zuzanna Celej-ek koloretako arkatzezko, akuarelazko –bere espezialitatea– eta uki askotako paper aplikaziozko ilustrazio harrigarriak egin ditu.

Emaitza giro magiko narea da, non protagonistak eta espazioak adierazkortasun eta errealismo sotilez irudikaturik dauden. Askotariko plano eta laukiratze erabiliz, kontakizunaren dinamikotasuna azpimarratzen dute irudiek, argi-itzalen kontrastez beteak, zeinetan koloreek gero eta agerpen handiagoa duten, Hartz Zaharraren sekretu jakingarria agerrarazi ahala.

Ustekabeko istorio hunkigarria
Xabier Etxaniz Erle. Argia (2019ko martxoak 24)