Amaren bidaia

Itzulpena: Eva Linazasoro

Ama bidaian doa. Maletan sartu ditu bere galtzerdiak,
bere liburuak, bai eta bere soineko marraduna ere.
Ezin gaitu berarekin eraman.
Aita eta biok etxean geratuko gara…

“Ama” albumagatik IV. Compostela Saria jaso ondoren, Mariana Ruiz Johnsonek istorio berri honetan lan kontuengatik etxetik kanpora joan behar duen ama baten esperientzia kontatzen digu.

“Amaren bidaia”n prozesu osoaren berri ematen zaigu: ekipaiaren prestakuntza, aireportuko agurra, eguneroko ohituren aldaketa, teknologia berrien bidezko urruneko komunikazioa, eta etxerako itzulera. Lehen pertsonan eginiko kontaketa xumeari esker, seme txikiaren emozioen garapenaren lekuko gara; hasieran amaren hutsunea sentitzetik nola igarotzen den bere egunerokoa aitaren ondoan zer den ikustera.

Istorio honetako pertsonaiak kolore xuabe eta beroz margotutako giza itxurako animaliak dira, irakurleari ezagunak zaizkion lekuetan mugitzen direnak. Testuaz haratago, irudiek ere familiako kideen sentimenduak nolakoak diren ikusten laguntzen dute; nola pasatzen diren hasierako kezka eta segurtasun ezatik normaltasunera eta azkenean denontzat esperientzia aberasgarria izango denera. Azken batean, album honekin familia asko identifikatuak sentituko dira, protagonistekiko enpatia bitarteko.