Alferrikakoaren balioa. Manifestua

Itzultzailea: Fernando Rey

Alferrikakoaren balioa izenburuak iradokitako oximoronak argibide bat merezi du. Aipatzen dudan balio edo baliagarritasun paradoxikoa ez da jakintza humanistikoak eta, oro har, etekinik sortzen ez duten jakintza guztiak alferrikakotzat jotzen dituen hori. Oso bestelako adiera da, askoz ere zabalagoa, funtsa edo muina edozein helburu utilitaristatatik urrun duten jakintzen balioaren ideia nire gogoeten erdigunean jarri nahi izan baitut. […] Dohainezkoa dena hiltzen uzten badugu, uko egiten badiogu alferrikakoaren sormen-indarrari, etekinaren bila joatera bultzatzen gaituen sirena-kantu hilgarria besterik entzuten ez badugu, eritu eta erotuko den gizatalde bat sortuko dugu, noraezean ibili eta, azkenean, bere buruaren eta bizitzaren zentzua galduko duena. Eta orduan, espirituaren deserti kazioak zimeltzen eta idortzen gaituenean, benetan zaila izanen da imajinatzea Homo sapiens ezjakinak oraindik eginkizun bat bete dezakeela gizateria gizatiarrago bihurtzeko zereginean.

___

GARA: https://www.naiz.eus/eu/hemeroteca/gara/editions/2023-06-07/hemeroteca_articles/probetxurik-ez-duen-saiakera-bat-alferrik-bizi-den-hizkuntzara

Diario Vasco: https://www.diariovasco.com/zabalik/ordineren-alferrikakoaren-balioa-manifestua-euskarara-itzuli-fernando-20230606170817-nt.html

KulturKlik: https://www.kulturklik.euskadi.eus/creacion/2023/alferrikakoaren-balioa-manifestua-/z12-detnewpr/es/