Bernardo Atxagak giza kondizioaz diharduen Zazpi etxe Frantzian liburua aurkeztu du.
Bernardo Atxaga idazleak Donostian egin du Zazpi etxe Frantzian (Pamiela argitaletxea), bere azken liburuaren aurkezpena. Atxagak bere estiloarekin hautsi du oraingo honetan eta umore beltza eta alusioa erabiltzen ditu errekurtso gisa.
XX. mendeko Kongon kokatzen da Chrysostome Liège protagonistatzat duen abentura.
Giza kondizioaz hitz egiten du bi urtetan zehar Nevadan idatzitako liburuak. Oraingo honetan denuntziarik egin nahi izan ez duela esan du autoreak eta irakurleari pentsarazi nahi izan diola; narratzailearen eta narratutakoaren arteko distantzia mantenduz.
"Gustatuko litzaidakeena da irakurlea joan dadila liburuan aurrera, abenturetan murgilduta, baina, bat batean bira dezala orria atzera eta pentsatu: zer esan du hemen?", baieztatu du Atxagak.
Oraingoz euskaraz, gaztelaniaz, katalanez eta galegoz irakur daitezke Chrysostome Liège soldaduaren abenturak, baina, laster portugesera ere itzuliko dira.
