Eskeleto barregarriak

Itzulpena: Manu López Gaseni

Istorio hau honela hasten da:
Muino ilun-ilun batean
herri ilun-ilun bat zegoen.
Herri ilun-ilunean
kale ilun-ilun bat zegoen…

«Eskeleto barregarriak» liburu dibertigarriak hiru izakiren eskeletoak ditu protagonista: gizon batena, ume batena eta txakur batena. Hiru eskeleto horiek gauez ateratzen dira, paseatzera eta jendea ikaratzera. Ez dira, ordea, pertsonaia beldurgarriak, -irakurleekin batera- jolasean, kantuan eta are elkar izutzearen bidez ondo pasatzen duten pertsonaia maitagarri eta jostalariak baizik. Hala ere, lehen biak hain dira despistatuak, txakurraren hezur nahastuak berreraikitzeko saltsa ikaragarri komiko melodiko bat antolatu baitzuten.

Iluntasunean dirdira egiten duen azal deigarri batetik abiaturik, liburu honi darion barrez lehertzeko moduko umorea are indartsuagoa da formula narratiboen errepikapenari, kontakizunaren goibeltasuna areagotzen duten esamoldeei eta intriga eta tentsioa sustatzen duten ekintzen –gorakako eta beherakako- progresibotasunari esker.
Beraz, nola edo hala antzeztuz irakurria edo kontatua izateko istorio bat da.

Alpoja hirukote horren abenturak ilunpetan gertatzen badira ere, ilustrazio koloretsuak nabarmentzen dira, orrialde osoa betez zein binetatan banatuta (pertsonaiek kantatzeko edo elkarrekin hitz egiteko). Hala, kontakizun orojakilearekin paraleloan garatzen den beste irakurketa maila bat eskaintzen da.