Text Size

Erosketa

 x 

Saskia hutsik dago
  • Xavier Mina
  • El piano de Hölderlin
  • Diablada
  • Euskararen genesiaz
  • Jimeno Jurío. Katalogoa, 2019
  • Lagun berriak
  • Jorge Oteiza. Katalogoa, 2019
  • Duvoisin kapitainaren malura
  • Iruñeko historia
  • Etxe honetan
  • Hilvano recuerdos
  • Bordarien sorrera eta bilakaera Leitzan eta Areson (1427-1925)

Zirkua amets


Etxepare Saria 2008

Tamaina Handia

Idioma Euskera

Año 2009

Libro en cartoné

30 páginas

Description

pamiela_kalandraka

Testua: Joxan Ormazabal
Marrazkiak: Iraia Okina

Etxepare saridunak urtez-urte

ALBUM ILUSTRATUEN II. ETXEPARE BEKA IRABAZLEA, 2008

Aspalditik ari zitzaidan amona esaten egun
batean zirkua ikustera eramango ninduela.
Eta atzo arratsaldean, pozez gainezka joan
ginen amona eta biok tren geltokira.
Ordu erdiko bidaia geneukan hiriburura.
Eta hiriburuan, bostetan, zirkua!
Trenean sartu eta elkarren ondoan
eseri ginen amona eta biok.
Eguzki izpi batzuk sartzen ziren leihotik
eta kilima goxo-goxoak egiten zizkiguten...

Zirkua amets bidaia bikoitza baten istorioa da: benetako bidaia eta irudimenezko bidaia. Ezinezkoa ere posible den mundura baterako bidaia, eta gero itzulerako bidaia gure mundura. Liburu honek esna amets egiteko aukera ematen du...

Pertsonaia nagusiek –amona eta iloba– abentura zoragarri bat hasiko dute, eta neskatoarentzat abentura fantasiazko amets bihurtuko da. Liburuak haurrentzako mundu erakargarrira garamatza: zirkuaren mundu magikora. Amets bat beste amets baten barrenean, eta nahasian aterako dira malabaristak eta pailazoak eta elefanteak lainoz eginak, eta hezur-haragizko ikusleak. Amets betea, une batez amets gaizto ere bihurtuko dena...

J. Ormazabalen eta I. Okinaren lanari II. Etxepare Beka eman zitzaion 2008. urtean (Etxepare Beka Nafarroako 23 toki entitatek –udalak eta mankomunitateak– antolatutako sari bat da, Euskararen Nafar Institutuaren laguntzarekin), haurrentzako euskarazko album irudidunak sortzeko proiektu hoberena zelakoan. Epaimahaiak –Manu Lopezek, Elena Odriozolak, Agurtzane Villatek eta Xabier Etxanizek osatua– Zirkua amets liburuaren egitura borobila nabamendu zuen, maisuki heltzen baitio haurraren beldurren gaiari.

Estetikaren ikuspuntutik, istorioa eszenatoki minimalistan gertatzen da. Koloreak leunak eta finak dira, ipuinaren ametsezko mundua adierazten dutenak.

 

(Fervenzas literarias Galiziako literaturari buruzko blog bat da)




Ados bazaude, gune honek cookiak erabiliko ditu zure hizkuntza eta nabigatze aukerak oroitarazteko.