Neguko Poesia ekitaldia otsailaren 13an, larunbatarekin, 17:30etan izango da Mediatekan.

Jose Angel Irigaray (Iruñea, 1942ko urriaren 9a) euskal idazle eta poeta da. Aingeru Irigaray mediku eta idazle euskaltzalea zenaren semea da eta Fermin Irigaray Larreko zenaren biloba. Erroak beraz Auritzen ditu, eta aspaldian Donostian bizi da.
Kulturgintzan betidanik murgildua, hainbat ekimen eta elkarteren sustatzaile eta partaide izan da (Ez Dok Amairu, Aranzadi, Nafarroako Ikastolak, hainbat Euskara Elkarte, Bilboko Kafe Antzokia, Oteiza Fundazioa...).
Sorkuntzari dagokionez, literatura da bere eremu nagusia: saiakera, narrazioa eta bereziki poesia landu ditu.
Irigaray-ren Joan-jinaren labirintoan, Bizi minaren olerkian, Denboraren mugan, Urdinkara poema liburuak eta Zeharbidetan diskoko kantuak eta eleak hartu ditugu mintzagai. Mintzagai eta entzungai!