Fermin Etxegoienen Autokarabana nobelak 2010eko Euskadi Literatura saria jaso du. Kritika saria jaso zuen ere pasa den martxoan.
Liburuak harrera ona izan du euskal irakurlegoaren artean, lehen bi edizioak agortu dira eta jadanik abian da hirugarrena.
Distantziak
Kontaera bizia da eta hurbila. Hizkuntza erabat komunikatiboa darabil Etxegoienek, erregistro markatua. Kaleko hizkera aukeratu du, eta badirudi, batzuetan, lagun arteko kontaera dela, taberna zulo bateko tertulia informal bateko solasaldia. Nork bere arazoak kontatuz girotzen diren horietakoa.
Felipe Juaristi. El Diario Vasco
Bizitzaren erritmo sinkopatua
Narrazioan, ezagutzen dizkiogun ikuskerak eta galderak barreiatzen ditu [Etxegoienek], ongi ere ongi txertatuak kontakizunen bilbean, eta bere ohiko estiloan: erranaldi motzak, paragrafo labur-laburrak, puntu eta apartez josiak orrialdeak. Inpresio, intuizio, uste, egiaztapen bakoitzari leku nabarmena eman nahian bezala, publizista bati dagokion moduan. Erritmo sinkopatua nagusitzen da irakurketan; ulerterraza hau, eta arina zentzu horretan, baina bere luzeran halako ezinegona sor diezagukeen erritmokoa.
Bixente Serrano Izko. Berria
Autokarabana nobelaren garrantziaz
Esan dezagun, existentzialismo cool baten iturritik etorritakoa dela nobelako ur hau. Tarteak tarte, Houellebecq, Roth, Murakami... ekarri dizkigu guri gogora, batzuetan gaiak, bestetan trataerak. Bada zerbait.
Nire ustez bide bat argi markatzen duelako. Esan nahi dut, orain arte antiheroe garaikideak asko izan direla gurean, baina, irakurriak ditudan liburuetan, gai narratibo nagusia ez zen sekula hori izaten. Antiheroiak bazeukan beti beste zeregin bat, edo polizia zen, edo gaizkilea, edo abokatua, edo entomologoa, edota apaiza.
Hasier Etxeberria. Zuzeu.com
Herri hizkera erabiltzen du idazleak, zenbaitetan arrunkeriaz mintzo ere, erranen nuke, gizonezko ikuspegi batetik gaur egungo euskal gizartea hankaz gora paratzeko, edo gutxienez zer pentsarazteko euskal gizartearen arlo guztiei buruz.
Ainara Maia. Gara
«Ni kazetaria naiz, eta nobela hau nire lanaren proiekzio naturala da»
J. L. Zabala Berria (2010-10-26)
«Autokarabana» eta «Vacilación» liburuek jaso dute Euskadi Saria
Ane Arruti Gara (2010-10-26)
Fermin Etxegoien eta Jose Fernandez de la Sota, Euskadi Sariak
Erredakzioa eitb (2010-10-26)
«Jendeak esan dit entretenitu dela, identifikatu dela»
Felix Ibargutxi Diario Vasco (2010-10-26)
Fermin Etxegoien y José Fernández de la Sota, Premios Euskadi
Una Página de Noticias(25-10-2010)
Fernández de la Sota y Etxegoien, premios Euskadi de Literatura 2010
EFE (25-10-2010)
Una crónica sarcástica y un homenaje a Kafka
D. Mangana Deia-Noticias de Bizkaia (25-10-2010)
Fermin Etxegoien, Autokarabana
bilbaotemata.wordpress.com (2010/10/26)
