Ilargi horia

«Iritsi da Melillara azkenean. Taxi-gidaria etengabe aritu zaio begira atzerako ispilutik. Noizbehinka irribarre egin dio eguraldiaz mintzatzean, aizu, bai sargori egiten duela gaur hemen, ez dago agoantatzerik, benetan, eta trafikoaz, zer, e?, eromen hutsa.
Plaza de Españako errotondara iritsi direnean taxi-gidariak bat-batean balaztatu du eta maletategitik ekipaia ateratzera jaitsi aurretik ostera ere irribarre maliziatsua eskaini dio ispilutik atzera begiratuz.
—Agian konpainia beharko duzu hiri honetan, neska gazteak, badakizu, relax, masajeren bat… —esan dio taxi-gidariak oraindik eserlekutik mugitu gabe eta begi batekin keinu eginez…»

Joxemari Iturralderen nobela berria holaxe hasten da. Bertan Eugenio Areitioaurrenak bizi izandakoak kontatzen dira, Melillan eta Marokoko iparraldean. Enpresak bidalita, saltzaile lanetan ari da leku horietan, etxetik urrun, eta ustekabean bizitzak inoiz espero gabeko alde ezkutua erakutsiko dio.

Geografia eta denbora errealen literatura
Iturraldek Afrika iparrean kokatu du Ilargi horia, eta Urrutia Caupeauk Kuban Weylerren itzala
Gorka Erostarbe. Berria (2012-11-30)

'Melillako obsesioa' gainetik kendu du Joxemari Iturraldek
Tolosako idazleak Ilargi horia nobela plazaratu du, eta Urrutia Capeauk Weylerren itzala ipuin-liburua
Felix Ibargutxi. Diario Vasco (2012-11-30)

Historia oinarri, Afrikan eta Kuban kokatzen diren fikziozko istorio bi
Joxemari Iturraldek Afrikako iparraldeko gerran hil ziren euskaldunak oroitu ditu Pamiela argitaletxearekin ateratako «Ilargi horia» nobelan. Jose Enrique Urrutia Capeauk, ordea, Kubara jo du «Waylerren itzala» lanean.
Nagore Belastegi. Gara (2012-11-30)

Iturraldek eta Urrutiak datu historikoz beteriko eleberriak plazaratu dituzte
Fikzioa, misterioa, gerra eta euskal istorioak batik bat agertzen dira bi liburuetan
Maialen Ezquerro. Noticias de Gipuzkoa (2012-11-30)

Kritika - Euskaldunak Arrifeko gerran
Alex Gurrutxaga. Berria (2013-04-14)