Euskara Literatura Haur eta Gazte Literatura Tamaina Handia - Kalandraka Euria ari dueneanEuria ari duenean
Premio Etxepare 2011
/ Euskera
/ año 2011
/ Libro en cartoné
/ 36 páginas
Testua eta marrazkiak: Leire Salaberria
Premios Etxepare año tras año
ALBUM ILUSTRATUEN V. ETXEPARE SARIA IRABAZLEA, 2011
nire zakurra pasealekuko putzu guztietan sartzen da.
Lau hankak eta muturra lokatzez beterik iristen da etxera,
poz-pozik, isatsa mugituz.
Amak lepotik hartu, eta harraskan sartzen du,
berriro zuria bihurtzen den arte…
Album poetikoa, eguneroko errealitateari beste modu batez begiratzen diona. Normalean, hodeiak eta euria tristeziarekin eta umore txarrarekin lotzen dira, baina, hemen, baikortasunerako eta fantasiarako ate dira: kalean nahasten diren koloretako euritakoak, hezetasuna ospatzen duten barraskiloak, berriz berdatzen diren arbolak... Kontakizun labur honen narratzailearentzat festa dira egun euritsuak: aitak autoz eramaten du eskolara, eta, putzuetan, plisti-plasta ibiltzen da eta alegiazko arrainak harrapatzen ditu. Oreka egokia dago testuaren eta irudien artean. Kontakizunaren lirismoak eta hitzak eta irudiak inguratzen dituen giro magikoak irakurleen enpatia eta bihotza pizten dituzte. Eta egun euritsuetako argi ahula izaten bada ere, egileak kolorez eta kontrastez bete nahi izan ditu liburu honetako orrialdeak. Liburuari poza dario, eta garbi dago gonbita: eguraldia txarrean eta nekeetan, irria ezpainetan. Euria ari duenean liburua irabazle gertatu zen Etxepare Sariaren V. Edizioan. Sari hau Nafarroako zenbait toki entitatek antolatzen dute, euskara zerbitzuen bitartez, Nafarroako Gobernuaren eta Pamiela argitaletxearen laguntzarekin. Leire Salaberriaren lana 19 lanen artean hautatu zuen Patxi Zubizarretak, Iñaki Agirrezabalek, Mikel Valverdek eta Jon Zabaletak osatutako epaimahaiak.
