Text Size

Erosketa

 x 

Saskia hutsik dago
  • Hiru hartzak
  • Ezinbesteko nanoliburuak 1
  • Simón Bolívar
  • Duvoisin kapitainaren malura
  • Batzuen ametsak bertzeen zelai zulatuak dira
  • Jamaikako neska
  • Lurraldea eta herria
  • La deuda pendiente de España con Navarra
  • Historia de Pamplona
  • Bidean zehar
  • Odola oroi
  • Etxeak eta hilobiak

Literaturak umeei begiratu zienean

Upaingoa 12

Hizkuntza Euskara

2006. urtea

110 or.
Description

Becerro de Bengoa saria 2005

Lan honek ez du Haur eta Gazte Literaturaren azterketa sistematiko bat izateko asmorik. Arlo horren inguruko zenbait azterketa akademiko egin ondoren sortutako ideiak, materialak eta gogoetak plazaratu nahi izan ditu soilik, ikerketa unibertsitarioak ezarritako gerruntze estuegitik aske irakurleria zabalagoa batera iris daitekeelako ustean.

Azken hamar urteotan lekutxo bat eskuratu du haur eta gazte literaturak unibertsitateko irakaskuntza eta ikerketaren eremu elitista eta baztertzailean, eta maila hori lortu arteko bazterketaren eta gaizki ulertuen historia azaldu nahi izan da lehen kapituluan. Azken batean, Literaturak umeei begiratu zienean lanaren tituluari erantzuten dioten alderdiak dira horiek guztiak. Hurrengo bi kapituluetan, sortzaileengan jarri da ikusmira: zerk bultzatzen duen idazlea haur eta gazte literatura idaztera. Arlo horretan garrantzi berezia izan duten kontu banari eskaini zaizkio hurrengo bi kapituluak. Hortik aurrera, gaiaren inguruko askotariko alderdietan jarri da arreta: merkatua; kritikaren zeregina; liburutegien funtzioa; gazteentzako literatura; dibulgazioko literatura; «politikoki zuzenaren» ideologiak arlo honetan duen eragina; eta zinemara eta telebistara aldatutako haur eta gazte literaturak ematen duen ikuspegi berria.

Honenbestez, haur eta gazte literaturari buruzko saiakera heterodoxo samar honek kulturaren puzzle erraldoia erabat osatzeko gogo alferrekoan piezatxo bat izan litekeelakoan, gaiari buruzko interesik lukeen irakurlearen irizpidera geratzen da.

Ados bazaude, gune honek cookiak erabiliko ditu zure hizkuntza eta nabigatze aukerak oroitarazteko.
Informazio agehiago Ados Errefusatu