Weylerren itzala

Tenerifeko markes Valeriano Weyler y Nicolaú, besteak beste, Kubako kapitain orokor izan zen -1896-1898-; tarte horretan ezin ahantzizko egin zen kubatarrentzat. Egun ere, Weyler aipatueta, honakoa galde egiten dute: -Weyler eta Nicolau, ez dea?- independentzia gerlak zinez present baitituzte kubatarrek.

Beste balentria batzuez landa, Weylerrek inmortal bilakatuko zuen egitatea burutu zuen: bera da historian lehena Bilketa Barrutiak antolatzen.
Roig de Listering historiagileak honakoa utzi zuen izkiriaturik: «Saguako auzapeza joan zitzaion Weylerri laguntza galde egitera, herrian gosez hiltzen ari zirela "birbilduak". -Gosez hiltzen ari direla diok? -ihardetsi bide zion Weylerrek- horretarako bildu ditiat, gosez hiltzeko!»

Egungo historiagileek uste dute 400.000 bat kubatar hil zela Weylerren birbilketa hartan, halere, bada uste duenik 600.000 izan zitezkeela. Hain politika bortitza non, Máximo Gómezen erranetan, Weyler bera izan baitzen Kubako independentziaren alde gehien egin zuena; bada, botere koloniala zer den klar erakutsi baitzien kubatarrei eta beren deliberoan sustatu zituen.

Halaber, zenbat soldadu espainol ez zen nehoiz bihurtu? Eta, bihurtuagatik ere, zenbat bere osoan eta osagarrian? Historiagile Cecilia Arozarenak Matanzas probintziako artxiboetan, soldadu hilen artean 1.741 euskaldun deitura bildu ditu -gehienak goragale beltzak eta malariak akabatuakbada, soilki probintzia batean!

Bihoa liburutto hau tiranoa eta haren biktimak oroitzearen aldera.


Geografia eta denbora errealen literatura
Iturraldek Afrika iparrean kokatu du Ilargi horia, eta Urrutia Caupeauk Kuban Weylerren itzala
Gorka Erostarbe. Berria (2012-11-30)

'Melillako obsesioa' gainetik kendu du Joxemari Iturraldek
Tolosako idazleak Ilargi horia nobela plazaratu du, eta Urrutia Capeauk Weylerren itzala ipuin-liburua
Felix Ibargutxi. Diario Vasco (2012-11-30)

Historia oinarri, Afrikan eta Kuban kokatzen diren fikziozko istorio bi
Joxemari Iturraldek Afrikako iparraldeko gerran hil ziren euskaldunak oroitu ditu Pamiela argitaletxearekin ateratako «Ilargi horia» nobelan. Jose Enrique Urrutia Capeauk, ordea, Kubara jo du «Waylerren itzala» lanean.
Nagore Belastegi. Gara (2012-11-30)

Iturraldek eta Urrutiak datu historikoz beteriko eleberriak plazaratu dituzte
Fikzioa, misterioa, gerra eta euskal istorioak batik bat agertzen dira bi liburuetan
Maialen Ezquerro. Noticias de Gipuzkoa (2012-11-30)

"Weyler bezalakorik guti Kubako Independentzia gerran"
Miel A. Elustondo. Argia (2013-09-08)