Olaj-en bidaia

Testua eta marrazkiak: Martín León Barreto
Itzulpena: Manu López Gaseni

Olaj planeta txiki-txiki batean bizi zen
etxe oso-oso handi batean.
Egun batean, aspertuta, Olaj ibiltzera atera zen…
eta ibili zen!
Olaj ibili zen eta ibili zen,
eta isatsa alderantziz zeukan
legatz batekin topo egin zuen.
«Lagunduko didazu?», galdetu zion,
eta ezetzik esan ez zuenez…

Egitura errepikakorreko metatze-kontakizun zirkular honetako protagonista halako Printze Txiki bat da, bakardadeaz nazkatuta, ibilbide iniziatiko bati hasiera ematen diona. Bidean, itxura mitikoa eta balio sinbolikoa duten zenbait animalia harrigarriren laguntza izango du, eta talde heterogenero eta trinkoa osatuz joango da: isatsa alderantziz zeukan legatza, zaldi hegaduna, ortzadar tigrea, elefante elegantea…

Olaj-en bidaia Martín León Barreto-k sorta kromatikoak kolore oparotasunez eta armoniaz konbinatzeagatik nabarmentzen da. Forma geometrikoko irudiak dira, mugimendua eta dinamikotasunez jantziak eta fauna-puzzle konplexu batean bezala txertatuak.

Santiagoko Udaleko Hezkuntza Sailak eta Kalandraka argitaletxeak deitutako Album Ilustratuaren Compostela Nazioarteko IV. Saria eskuratu duen obra ipuin tradizionaletan oinarria duen eskema baten araberakoa da: errimak, kontrakoen jolasak, elkarrizketa errepikakorra, ahozkotasuna… Olaj-ek adiskidetasunaz eta eskuzabaltasunaz diharduen abentura bateko partaide egiten gaitu, egun eta gau oso batez.