Gabon, Hontza!

Testua eta irudiak: Pat Hutchins
Itzulpena: Manu López Gaseni

Hontzak lo egin nahi zuen.
Erleak burrubaka hasi ziren,
buzz-buzz,
eta Hontzak lo egin nahi zuen.
Katagorria intxaurrak kraskatzen zebilen,
kraska-kraska,
eta Hontzak lo egin nahi zuen …

“Gabon, Hontza!” aurre-irakurle eta lehen irakurleentzako album bat da, bere egitura errepikakor eta metagarriagatik nabarmentzen dena. Istorioan zehar, animalia asko hurbiltzen zaizkio protagonistari, eta loa galarazten diote beren hotsekin. Onomatopeiek askotariko soinuetara ohitzen laguntzen diete aurre-irakurleei, ipuineko parte hartzaile bihurtzen direlarik. Fauna eta ingurumena ezagutzera emateaz gain, jolas mnemoteknikorako bidea ere eskaintzen du; horregatik guztiagatik oso liburu aproposa da eskolan irakurketa estrategiak garatzeko. Eta hori guztia gutxi balitz, umorez betetako ustekabeko amaiera dakar.

Istorioaren xalotasunarekin bat eginik, Pat Hutchins-ek proposamen grafiko sinple eta koloretsua landu du, ekintza garatzen den agertoki bakar batean. Orrialdeetan aurrera joan ahala, zuhaitzeko adarretara bizilagun berriak iristen dira, zein bere berezko kantu eta hotsekin.