Ylla (Camilla Koffler)
Ylla (Camilla Koffler) (1911-1955)
Austriar jatorriko idazle eta argazkilaria, Belgraden ikasi zuen eta Parisen ikasketetan sakondu. Bertan, animalien erretratuetan espezializatutako estudio bat ireki zuen. II. Mundu Gerrak lan ibilbidea eten zion Frantzian, eta azkenean Estatu Batuetara joan zen. Bertan, haren lana nazioarteko aldizkari ilustratu nagusietan zabaldu zen.
Kenya eta Ugandan ere ibili zen animalia basatien argazkiak ateratzen, haien habitat naturalean. 1944 eta 1954 artean hamar bat liburu argitaratu zituen, haietako batzuk haurrentzakoak. 1954an Indiara joan zen lanean jarraitzera, eta han hil zen, zoritxarreko istripu batean.
