Rozas, Ixiar

Ixiar Rozas (Lasarte-Oria, 1972)

Idazlea, gidoilaria eta Periferiak topaketen zuzendari artistikoa da. Narratiba, poesia, antzerkia eta artikuloak argitaratzen ditu. Horrekin batera, dantzari eta koreografoekin elkarlanean ibiltzen da dramaturgia lanetan. Besteak beste, 4 ibilbide eta beste argazki batzuk pieza eszenikoaren talde artistikoaren partaide izan da, zeina Europako zenbait hiritan taularatua izan den. Humano caracol dokumental sortaren barruan Steve Paxton sortzaileari buruzko atala amaitu berri du.

Egilearen beste liburuak:
Edo zu edo ni (Nobela, 2000), Sartu, korrontea dabil (Nobela, 2001) eta azken honen itzulpena, Luego les separa la noche (2003). Haur eta gazte literaturan, besteak beste, Yakoren trilogia argitaratu du. Antzerkian, berriz, Gau bakar bat-Una sola noche (2004) lan elebiduna. Negutegia (Le Nubi, 2008) italierara itzulia izan da eta aurki gazteleraz kaleratuko dute Mexikon.

Edizio lanak burutu ditu halaber honako argitalpenetan: Begiradak. Glances and memories from the fringes (Koldo Mitxelena Kulturunea- Periferike, 2005), 4 itinerarios y otras fotos (L´animal a l´esquena, 2008) eta Swimming Horses (Mal Pelo, 2009). Azken bi hauek dantzariekin burututako elkarlenen ondorio dira.