Juaristi Larrinaga, Patxi

Patxi Juaristi Larrinaga (Markina-Xemein, 1967)

Soziologian Doktorea da (1995) Deustuko Unibertsitatean, liburu honetan moldaturik aurkezten duen tesi-lana aurkeztu ondoren. 1990-1993 urte bitartean ikerlariak trebatzeko Eusko Jaurlaritzako Hezkuntza, Unibertsitate eta Ikerketa saileko beka bat izan zuen. Tesia egite prozesuan Galeseko Bangor Unibertsitatean (1992), Texas-eko A&M Unibertsitatean (1993) eta Nevada-Renoko Unibertsitatean (1994)  ikerlari gisa aritu zen. 1998. urtean irakasle gonbidatua izan zen Idaho-ko Unibertsitatean. Euskal kultura, euskaldunen balore, euskara eta, orokorrean, hizkuntzei buruzko zenbait ikerketa, artikulu eta liburu argitaratu ditu. 1993. urteaz geroztik Euskal Herriko Unibertsitateko irakaslea da Gizarte eta Komunikazio Zientzien Fakultatean.