Irazoki, Maddi
Maddi Irazoki (Bera, 1977)
Arte Ederretan lizantziatua. Taldeko nahiz bakarkako erakusketetan parte hartu du eskultura, grabatu eta margolanak aurkeztuz. Diskoen azalak egin ditu; Joseba Irazokiren Irri eta solas, Gizona zakur egin zen, Do-ren Tokitik kanpo eta Tokian tokiko, eta Mugaldekoak-en azken diskoa dira honen adibide. Musika eta irudia nahastuz, improbisazioan oinarritutako IGLU proiektuan dabil Joseba Irazokirekin batera. Asier Gogorza eta Jordi Llorellaren zuzendaritzapean Ararat. El mito del diluvio filmean parte hartu du. Pamiela etxean Ibaiak nahi duen tokiraino ilustratu du.
