Erbiti, Fermin

Fermin Erbiti (Iruñea, 1964)
Kazetaritzan lizentziatua, prentsan, irratian eta telebistan lan egin du. Navarra Hoy egunkarian ari izan ondoren, Nafarroako RTVEko euskarazko programazioaren arduraduna izan zen. Euskal Herriko beste zenbait komunikabidetan ere kolaborazioak egin ditu, hala nola, Diario de Noticiasen, Euskadi Irratian («Sormenari lehio» literatur-saioa, Jon Alonsorekin) eta Euskalerria Irratian.
1993tik Nafarroako Comptos Ganberako komunikazio arduraduna da.
Iruñeko Sanferminei buruzko bi liburu argitaratu ditu, biak Javier Manerorekin: Encierros en blanco y negro (Caja Pamplona, 1998) eta Sanferminak/Sanfermines (San Fermin Ikastola, 2000). Hiriko istorioak biltzen dituen beste liburu baten egilea dugu: Pamplona: historias, lugares y gentes (Sahats, 2008).