Malen Barriola Eskubi, Iruñeko Frantzisko Deuna eskolako ikaslea, IV EKE- Pamiela Mikro-Ipuin Lehiaketako Txapelduna

. Aurkeztutako 645 lanen artean, Txantreako Bernart Etxepare eta  Lakuntzako Luis Fuentes eta Biurdana eta Lizarraldeko Institutuak saritu ditu epaimahaiak

. Kike Amonarriz eta Ilaski Serrano egongo dira sari banaketaren egunean

Malen Barriola Eskubik, Iruñeko Frantzisko Deuna Ikastetxeko LHko 5. mailako 10 urteko ikasleak  Euskara Kultur Elkargoak eta Pamiela Argitaletxeak antolatzen duten IV Mikro Ipuin Lehiaketa irabazi du, “Hodei txikiaren ipuin zentzugabea” izeneko mikro-ipuinarekin.

Horrez gain, Malen Barriolak Lehen Hezkuntzako kategoriko Lehen Saria irabazi du, aurkeztutako 412 testuen artean.   Derrigorrezko Bigarren Hezkuntzako kategorian, Iruñeko Biurdana Institutuan 4. DBHi maila kasten duen  Etxauriko 15 urteko Leyre Unzue López izan da txapelduna, “Hemen Maite deitzen didate” izenburuko mikro-ipuinarekin.

Lehiaketako Epaimahaikidek (Alberto Barandiaran, idazle eta kazetaria; Inma Errea, idazle eta itzultzailea; Joxe Migel Bidador, idazle eta literatura irakaslea, Angel Erro idazlea eta Migel Asiain, literatura irakaslea ere bai)  horrela epaitu dute irabazlea: “Alde batetik, egitura, ikusi baitugu testua oso ongi eraikita dagoela, hasieratik bukaeraino modu egokian biribildua. Bestetik, nabarmentzeko modukoa da, gure ustez, testuaren ezaugarri narratiboen antolaera”, eta “azpimarragarriak dira, baita ere, ipuina osatzeko egileak erakutsitako asmamen eta fantasia handiak zein hitzen neurritasuna, ez baitu erabili ez hitz gehiegi ez gutxiegi”.

Bestalde, epaimahaiak, LEHEN HEZKUNTZAko kategoria honetan, hiru ohorezko aipamen ematea erabaki du, ondoko mikro-ipuinei:
• Bota, Aizpea De Atxa Cancel. 11 urte (6. maila)  Iruñeko Txantreako LHko Bernart Etxepare ikastetxe publikoa.
• Galdera. Oier Larumbe Lizarraga. 11 urte (6. maila). Lakuntzako Luis Fuentes ikastetxe publikoa.
• Bazen behin. Ane Ortega Arlegi. LHko 6. maila. Iruñeko San Frantzisko ikastetxe publikoa

BIGARREN HEZKUNTZAn ere, Kategoria honetan ere, hiru aipamen berezi ematea erabaki dute, ondoko ipuinei:
• Txanogorritxo. Claudia Solano Goñi. DBHko 4. maila. Lizarrako Lizarraldea BHko institutua.
• Egunkariko berria. Garazi Perez de Larraya Percaz. 15 urte (4. maila).  Iruñeko Biurdana institutua.
• Pinotxo. Amaia Mikeo Alducin. DBHko 4. maila Iruñeko Biurdana institutua.

SARI NAGUSIA: Epaimahaien hitzetan, lehiaketara aurkeztutako lanen artean, Lehen Hezkuntzako mikro-ipuinek, oro har, kalitate-maila ona erakutsi dutela, hala gaien originaltasunaz nola mikro-ipuin bat egituratzeko ezagupenez zein narrazioak osatzeko trebetasunez bezainbatean, batez ere, egileen adinak kontuan hartuta. Horrexegatik, SARI NAGUSIA Lehen Hezkuntzako irabazleari ematea erabaki dute, hots, Hodei txikiaren ipuin zentzugabea izeneko mikro-ipuinari.

Pamiela Argitaletxearen liburu sorta bana  emango zaio kategoria bakoitzean  irabazle gertatuko den mikro-ipuinari. Horretaz gain, eta orijinaltasunari eta kalitateari begiratuta, epaimahaiak erabakitzen du irabazleen zein ikastetxek jasoko du sari nagusia, aurten, hain zuzen ere,  Amunarrizen eta Ilaski Serranoren bisita, eta  ikasleekin topaketa bat izango dute, Iruñeko Frantzisko Deunaren Eskoletan, otsailaren lehengo egunetan.

Euskara Kultur Elkargoak eta Pamielak urtero antolatzen duten Mikro-Ipuinen Lehiaketak Nafarroako ikastetxeetako ikaslek euskaraz idatzitako testurik hoberena saritzen du.

Aurkezturiko lanak 100 hitz (12 lerro) baino gutxiagokoak izan behar dira, eta Pamielaren liburu sorta  eta  irabazlearen ikastetxean idazle ospetsu baten bisita eta topaketa  izaten dira Sariak.

Lehiaketa hau Nafarroa osoko Lehen Hezkuntza edota Derrigorrezko Bigarren Hezkuntzako euskaraz ikasten duten ikasleei zuzendurik dago. Ipuinak entregatzeko epea  Urriaren 1ean zabaldu ohi da bi hilabetez, eta Irakasleen bitartez kudeatzen dira.

2009ko Mikro ipuin Txapeldunak

NAFARROA OSOKO IKASTETXEAK

Esan bezala, aurten, 645 lan aurkeztu dira (Lehen Hezkuntzan, 412 eta 233 DBHn) 37 Nafarroa osoko ikastetxeetatik.

Nahiz eta ipuin gutxiago eduki, lehiaketak parte hartzea eta ikastetxeen presentzia mantendu egin du aurten, eta irakasleek geletan egin duten idatzi eta aukeratzeko lana nabaritzen dela uste dugu. Horregatik eta bukatzeko, EKE eta Pamielak lehiaketara aurkezten diren idazleen irakasleek egiten duten lanaren garrantzia azpimarratu nahi dute, haien lankidetzarik eta bitartekaritzari esker (testuak idazteko, aukeratzeko eta bidaltzeko) ezinezkoa izanen bailitzateke gure ekimen hau gauzatzea.

Aurten parte hartu duten ikastetxeak hauexek dira: