Tango iritsita, hiru dira

Testua: Justin Richardson eta Peter Parnell
Irudiak: Henry Cole
Itzulpena: Manu López Gaseni

…Pinguinoen etxeko bi pinguino desberdin samarrak ziren. Baten izena Roy zen, eta bestearena, Silo.
Roy eta Silo arrak ziren bi-biak. Baina dena egiten zuten elkarrekin.
Elkarri agur egiten zioten. Elkarrekin ibiltzen ziren. Elkarri kantatzen zioten.
Eta elkarrekin igeri egiten zuten. Roy nora, Silo ere hara…

Tango iritsita, hiru dira New York-eko Central Park-eko zooko pinguino papozuri bikote berezi baten egiazko historia da; Rob Gramzay-k –haien kabian arrautza bat jarriz– kume bat izateko aukera eman zien, harri bat alferrik txitatzen ari zirela ohartu eta gero. Horrela jaio zen Tango, bi aita izan zituen lehen pinguinoa. Justin Richardson eta Peter Parnell egileen lehen haur-liburua oso arrakastatsua izan zen, eta hainbat sari jaso ditu argitaratu zenetik, 2005ean. Hala ere, alderdi kontserbatzaileek gaitzetsia ere izan da, familia-eredu berrien aurkakoak baitira. Istorioan informazio-testua eta narrazioa literarioa uztartzen dira oreka ezin hobean. Ilustrazio adierazgarriek deskribapen-funtzioa betetzen dute, irudi errealisten bidez eta, denboraren joana adierazteko, biñeta-moduko konposizio batzuen bidez.

Pinguino mutilen bikotea
Imanol Mercero. Berria (2016-mai-22)