Kepa Altonagak Darwinen teoriak gurean izan zuen oihartzuna eta eztabaida azaleratu ditu
Pamielak argitaratu berri duen Darwin geurean liburuak jaso du 2009ko Juan Zelaia Saiakera Saria. Bertan, Darwinen eboluzioaren teoriak Euskal Herrian jaso zuen arreta azaleratzen du Altonagak.
A. Bilbao / Iruñea - Gara (2010-04-10)
Iruñean aurkeztu zuen atzo Pamiela argitaletxeak Kepa Altonaga bizkaitarraren Darwin geurean saiakera, 2009ko Juan Zelaia Saria lortu duena.
Zendu berri den Joxemiel Bidador, Anuntxi Arana, Bixente Serrano Izko, Pilar Yoldi eta Jose Angel Irigaray izan ditu sariak epaimahaikide, eta gehiengo osoz aukeratu dute Altonagaren lana: «Gure aroan oraindik ere, eta berriz ere, puri-purian dagoen gaia -darwinismoa- euskal munduan izaniko eragina aztertuz ongi dokumentaturiko lana jakinduriaz eta gaitasun handiz garatu duelako. Bertan, Darwinen teoria azaldu zenez geroztik, XX. mende erdialdera arte, berri eta aurkikuntza interesgarriz beteriko bidaia erakargarria proposatzen da, mailako dibulgazio zientifikoan eta gai horri buruz erreferentziazko lana izanen dena burutuz».
Iraultza zientifikoa
Hautespen natural bidezko eboluzioaren teoria 1838an bururatu zitzaion Darwini -«Espezieen jatorria» 1859an argitaratu zuen-. «Hautespen naturalak zientifikoki azaldu zuen gure presentzia unibertsoan, eta bide batez, jainkoen edota diseinatzaileren baten beharra ezabatu zuen, eta beren patuaren jabe bihurtu zituen gizon-emakumeak».
Ordura arte bizidun guztiak Jainkoak sortuak zirela sinesten zen, Bibliak esan bezala, eta esparru zientifikoa gainditu eta, gizartearen alor guztietaraino heldu ziren Darwinen esanak iraultzaile suertatu ziren.
Europa osoan izan zuen eragina eboluzioaren teoriak, baita gurean ere. Eta Euskal Herrian darwinismoak bizi izandako gorabeherak dira «Darwin gurean» liburura Kepa Altonagak ekarri dituenak, haren aldekoak eta kontrakoak aurkeztuz, eta harrera-prozesua hobeto ulertzeko hariak nabarmenduz. Eta guzti hau oso modu entretenigarri eta ulerterrazean, dibulgazio saiakeretan horren ohiko izaten ez dena.
Izan ere, abentura handi bat bezala planteatzen du gaia Kepa Altonagak. Barkoxeko Leon Uthurbururekin XIX. mendean hasten den bidaia, Darwinek bisitatu zituen Galapago uharte urrunetan...
Noticias de Gipuzkoa (2010-04-10)
Joxemiel Bidador epai-mahaikidearen hitzak Juan Zelaia IX. Saiakera Sariaren irabazlea ezagutarazteko antolaturiko ekitaldian (Iruñea, 2009-11-26)
Euskalerria Irratiaren grabazioa
{vmproduct:id=582}
