Euskalerria Irratia 2016-08-30
Joxemiel Bidador idazle, ikertzaile eta filologoaren lan esanguratsuenak bildu ditu Kultura Zuzendaritzak argitaratzen duen Principe de Viana aldizkariaren 264. aleak.
Nafarroari buruzko kultura eta historia ikerketak zabaltzen ditu aspalditik Principe de Viana aldizkariak. Gaur, diseinu berriarekin aurkeztu dute, hain zuzen ere, Joxemiel Bidador idazle, ikertzaile eta filologoari eskainitakoa izan da berrikuntzaren alea.
Bidadorren lanen aukeraketa hiru ildoen bueltan antolatu dute: Nafarroa eta euskal literatura, Nafarroako kazetaritzaren historia eta Erribera eta euskara.
