Xabier Olarra, Gabriela Ybarra eta Luis Garde, Joxean Muñozekin (ARGAZKI PRESS)
Luis Gardek Euskadi Literatura Saria 2016, euskarazko literatura atalean, jaso berri du 1938. urtean Ezkaba mendian izandako ihesaldia ardatz duen Ehiztariaren isilaldia liburuarengatik, batzuetan ironiko eta zenbaitetan azido gertatzen den hausnarketa, memoriaren eraikitzeaz eta ahanzturaren suntsipenaz; literaturaz eta botereaz; jazartzaileen eta iruzurgileen isiltasunaz; euskaldunon historiaren iraganaz eta orainaldiaz.
Eleberri honen gaztelaniazko edizioa, El silencio del cazador, argitaratu du aurten Pamielak.
Xabier Olarra eta Gabriela Ybarra izan dira beste saridunak, Olarrak euskarazko literatura itzulpenaren atalean jaso du eta Ybarrak gaztelaniazko literaturan.
