Estévez, Paula

Paula Estévez Del Diego

Donostian jaioa, komiki-marrazkilaria eta ilustratzailea da. Argazkigintza eta ikus-entzunezkoetan espezializatutako Arte Eder ikasketak amaitu ondoren, Berlinera joan zen bizitzera, non marrazketa berreskuratu zuen, txikitako grina.

Ordutik bere lana komiki, ilustrazio eta animaziora zuzendu du, autoedizioan indar berezia ipiniz. Donostiara itzultzean, Mikel Larraioz eta Maite Caballero marrazkilariekin batera, Guillotina sortu zuen, Donostiako lehen autoedizio topaketa. Lau egin dira jada.

2011tik hona autoeditatutako sei argitalpen egin ditu eta aldizkari eta fanzine hainbatetan ikus daiteke bere lana: Gaztezulo, Hijos Acabados, Berlin Scrawling, So International Zine, besteak beste.

Arraroa albuma, Etxepare Saria 2017, ilustratu egin du.