Vallejo, Irene

Irene Vallejo (Zaragoza, 1979)

Filologia Klasikoa ikasi zuen, eta doktoretza europarra lortu zuen Zaragozako eta Florentziako unibertsitateetan. Txikitatik sentitu zuen Greziako eta Erromako elezaharren eta Mediterraneoko mundu argitsuaren xarma. Gaur egun, mundu klasikoaren zabalkuntza-lanean ari da buru-belarri, hitzaldiak emanez eta Heraldo de Aragón eta El País egunkarietan astero argitaratzen duen zutabearen bitartez.

Bere literatur lanen artean hauek dira nabarmentzekoak: La luz sepultada (2011) eta El silbido del arquero (2015) eleberriak, Alguien habló de nosotros (2017) kazetaritzako antologia eta El inventor de viajes (2014) eta La leyenda de las mareas mansas (2015) haurrentzako liburuak. El infinito en un junco (2019) argitaratu eta berehala, ezin sinetsizko moduan bereganatu eta liluratu ditu irakurleak.