Gerediaga, Jon

Jon Gerediaga Goitia (Bilbo, 1975)

Sorkuntzaren eremuan poesia eta antzerkia landu ditu bereziki.

Poesian eta Pamiela argitaletxearekin Fitola Balba, Karpuki Tui (Pamiela 2004), Jainkoa Harrapatzeko Tranpa (Pamiela 2007), Zentauro-hankak (Pamiela 2012), Argia, lurra, zuhaitza, zerua (Pamiela 2015), eta azken honen gaztelaniazko itzulera La luz, la tierra, el árbol, el cielo (Pamiela 2017) liburuak argitaratu ditu.

Antzerkiari dagokionez, 1999an sortutako F.T.I.Antzerkiola Imaginarioaren kide izan zen, eta konpainia honek taularaturiko hainbat antzezlanen sorkuntzan hartu zuen parte. Besteak beste, 8 Olivetti Poetiko (Hiru, 2001); Mundopolski (Artez, 2007); Yuri Sam, otoitza (Artez, 2007); Au revoir, triunfadoreak (Artez, 2007); edota Babiloniako Loreak (2009).

Antropologian doktorea da, Herbeheretan eta Euskal Herrian ikasketak burutu ostean. Gaur egun irakaskuntzan egiten du lan eta filosofiako irakaslea da Lauro Ikastolan.