Astiz, Iñigo

Iñigo Astiz (Iruñea, 1985)

Euskal kazetari eta poeta. Hainbat poema liburu eman ditu argitara. Umeentzako Joemak eta polasak (Elkar) izeneko poesia liburua ere. Maite Mutuberriaren ilustrazioek laguntzen dute azken hori, eta Euskadi Saria jaso zuen.

Haren poemak hainbat antologiatan bildu dituzte, eta Kixotenean (Elkar) kronika liburuaren egilea ere bada (Rikardo Arregi Kazetaritza Saria). Haserrea (Ikaselkar), Kixkur (Elkar) eta Zizare ia-ia hegalaria (Elkar) liburuak ere sortu ditu, Leire Salaberria eta Mikel Valverde ilustratzaileekin batera, eta Sylvia Plathen Ariel eta beste poema batzuk liburua eta Sandro Pennaren poemak biltzen dituen liburu bat ere itzuli ditu. Azken lan horrek, gainera, Damaris Pan artistaren margolanak ere baditu.

Eñaut Elorrieta, Jabier Muguruza, Gari eta lehen lerroko hainbat euskal musikarirentzako letrak ere idatzi ditu, eta haren zuzeneko poesia emanaldiek ere harrera ona izan dute.