ALDIZKARI BERRIA
Bernardo Atxagak zuzendutako Erlea aldizkaria aurkeztu du Euskaltzaindiak
Euskaltzaindiaren 90. urteurrenean, Erlea kultur aldizkaria aurkeztu dute gaur.
08/10/2009
DONOSTIA-. Bernardo Atxagak zuzendutako lauhilabetekaria izango da gaur aurkeztu duten Erlea aldizkaria eta literatura izango du ardatz. Alde estetikoa Pamielaren esku egongo da.
Atxagak azaldu duenez, aldizkari «profesionala» da eta ale bakoitzak atmosfera jakin bat edukiko du. Lehenengoa Mendebalde hurrunaren atmosferan mugitzen da eta Nevadako zenbait idazleren testuak ageri dira. Atxagak aurreratu du datozenak Irlanda, Afrika eta Suedia izango direla.
Lehenengo alean parte hartu duten idazleen artean daude: Karlos Linazasoro, Joxemari Iturralde, Mariasun Landa, Joxean Artze, Anjel Lertxundi, Harkaitz Cano, Xabier Kintana, Karlos Linazasoro edota Ania Miner, beste askoren artean.
Andres Urrutia Euskaltzain buruak adierazi duenez, «Gure erakundeak presente egon nahi du euskal kulturan eta presente egon nahi du modu aktibo batean. Horren erakusle da Erlea».
