Arantzabal, Oskar

Oskar Arantzabal Iraeta (Eibar, 1967)

Ekonomialaria, enpresa zientzietan lizentziatua da (Deustuko Unibertsitatea, 1992) eta nazioarteko marketinean masterduna (Strathclyde University, Glasgow, Scotland, 1993). Bereziki, esportazio lanetan jardundakoa da.

Ekonomia gaien dibulgazioa ere bere zereginetako bat da: hitzaldietan, artikulugile moduan, Euskadi Irratiko Amarauna saioan. Estatu txikietan espezializatua, “Lurraldearen dimentsioa estatuaren eraketan” (UEU, 2012) artikulua publikatu zuen.

Kulturgintzan ere aritua (bertsolaritza, antzerkia…), “Egungo euskal antzerkiaren historia: oasiak eta ispilatzeak” (RIEV, 2013) lana argitaratu zuen.

Hau da bere lehen saiakera lana.