Kazabon, Antton

kazabon3

Antton Kazabon (Oiartzun, 1954)

Genero gehienak probatzea gustatzen bazaio ere, ipuinak, nobelak, bertsoak eta olerkiak dira gehien lantzen dituenak.
Oiartzun, 1954.

Maisu-ikasketak egin zituen. Haurtzaro ikastolan lanean hasi eta 1991 arte aritu zen bertan. 1994 arteko hiru urte hoiek Gipuzkoako Ikastolen Elkartean egin zuen lan Bertsolaritza ikastetxeetan izeneko proiektuan, ikasmateriala sortzen, irakasleak prestatzen eta bertso eskolak koordinatzen.
Pilotazale eta bertsozalea.  
Bertsolaritzaren didaktikari buruzko material ugari argitaratu du.

Ikasleei irakurtzeko zaletasuna pizteko ahaleginetan, irudiz jositako kontakizun laburrak argitaratzen hasi zen orain dela ia 20 urte. Geroztik genero gehienak landu ditu oiartzuarrak. Narrazioa, poemak, bertsoak...

Haur eta Gazte Literaturgintzari dagokionez, 50 bat liburu publikatu ditu orain arte. Proxpero, Pelu, Koskotenekoak, Haize orratza, Eguzkilore, Balantx, Momolo, Kanpai hotsak isiltzean, Bakoitzari berea, Matte-matte, Emozioen kuliska, Txara Txikia, Niko eta Txoriko, Urtziren diarioa, Kaixo, Kattin!, Erotik, Toto eta Otsoto, Pirtzina zilborrean, Hitzak eta lumak, Armiarma zuhaitzean, Azkeneko txantxana, Zigarrotxoa ahoz aho, Gure amona Lutxi, Anpolai gorriak...  


Aipatuez gain, elkarlanean argitaratutako hainbat testu liburu eta material didaktiko. Hala nola, Bertso trena, galaxia eta ostatua, Ahozkotasuna, Txikitik handira, Bertsoz izeneko proiektua...