Eric Carle Syracuse, Nueva York (EEUU) 1929
Eric Carlek urte asko eman zituen publizitate agentzia bateko zuzendaritzan, baina 1967an liburuetarako irudiak egiten hasi zen, eta geroztik 70 album baino gehiago argitaratu ditu. Txikitan Alemaniara eraman zuten gurasoek, eta Stuttgart-en ikasi zuen, Akademie der Bildenden Künste arte eskola ospetsuan. Baina beti itzuli nahi izan zuen haurtzaroko urterik onenak bizi izan zituen Estatu Batuetara, eta halaxe egin zuen 1952an, marrazki bilduma batekin eta 40 dolarrekin, The New York Times-en irudigile moduan aurkituko zuen aukeraren baten bila. Bere hitz eta irudiekin argitaratu zuen lehen liburua 1,2,3, to the Zoo (1968) izan zen, eta ondoren The very hungry caterpillar (Gose handiko beldarra) sortu zuen. Urteen buruan Boloniako Haurrentzako Liburuen Nazioarteko Azokaren saria jasoko zuen (Italian), eta baita Haurrentzako Liburusaltzaileen Elkartearena eta Amerikako Liburutegien Elkartearena ere (biak Estatu Batuetan).
http://www.eric-carle.com
