Rodari, Gianni

rodari_gianni_autorea

Gianni Rodari (Omegna, Lombardia,1920 - Erroma 1980)

Politikaria, kazetaria, pedagogoa eta idazlea. Andersen Saria jaso zuen 1970ean. Irakasle Eskolan ikasi, eta eskola partikularrak ematen hasi zen. Italiako Alderdi Komunistari loturik, kolaboratzaile aritu zen zenbait egunkarirentzat (L'Ordine Nuovo eta L'Unitá), eta haietan haur literatura landu zuen, bere egiazko grina.

Errealitatean oinarriturik Arbolen planeta egin zuen, baina umorea eta arrakasta gero iritsi ziren, obra hauekin: Ipuin luzeak irribarre batekin, Le aventure di Cipollino edo Il libro delle filastrocche.

Beste maisu-lanak bezala Novelle fatte a macchina, Telefonozko ipuinak eta Jolas egiteko ipuinak ditu, herri literaturaren bertsioak egiteko pentsatuak, laburtasunez istorio onak sortu daitezkeela erakusteko eta irakurleari ipuinaren bukaera aukeratzeko bidea emanez.

Eskoletara bisitak egin eta umeekin lan egin eta gero, Fantasiaren Gramatika idatzi zuen (1973): pedagogia garaikiderako aportazio handia, zeinean adierazi baitzuen literaturak iraultzailea eta askatzailea izan behar duela.