Eguna: Irailak 2, ostirala
Ordua: 20:00
Non: Condestable jauregian
Sarrera dohainik izango da
Danserie taldea musika historikoan espezializaturik dago, eta heldu den ostiralean, irailaren 2an Nafarroako Gorteko musika izeneko kontzertua aurkeztuko du Kondestablearen jauregian, Iruñeko Udalak Batasunaren Pribilegioa ospatzeko antolatu duen ekitaldi sortaren barnean.
Danseriek Nafarroako lau errege-erreginen garaietako musika bildu ditu emanaldian: Tibalt I.a Trobadorea; Karlos II.a Gaiztoa; Karlos III.a Prestua; eta Margarita Nafarroakoa.
Musika ibilaldi horretan Tibalt erregearen Erdi Aroko musikatik abiaturik, Margarita Nafarroako erreginaren Errenazimentuko musika entzunen da.
Danseriek ohi duen bezala, kontzertuan musika-tresna historikoak erabiliko dira: Erdi Aroko lautea, Erdi Aroko eta Errenazimentuko hiru zuloko flautak, Errenazimentuko txirimia, biola da gambak, espineta, etab. Gaur egun zaila da holakoak entzutea.
Taldeak mota guztietako piezak interpretatuko ditu, dantzarako eginak gehienak: Livre Vermell, Cantigas de Santa María, Colombinaren kantu sorta, Tibalt erregearen musika, Guillaume de Machaut (Karlos II.aren zerbitzuan aritu zen musikari eta poeta bikaina), Michael Praetorius eta Nafarroako antzinako herri musikak.
Era berean, kontzertuan Danseriek testuinguru historiko eta musikalaren gaineko azalpen laburrak eskainiko ditu euskaraz eta gaztelaniaz.
Danserie Iruñean hasi zen 1999an Plazatik Salarat proiektua abiaturik, eta harrez geroztik kontzertu ugari eman ditu etenik gabe Erdi Aroko, Errenazimentuko eta Barrokoko musika joz. Ikerketan murgildurik beti, antzinako musikatresnen kopiak erabiltzen ditu kontzertuetan, Europako egile espezializatu batzuek eginak (Frantzia, Espainia, Inglaterra, Ukraina…)
